Зерттеу жұмысының өзектілігі. Экономикалық факторлардың күрделілігі мен алуан түрлілігі, шаруашылық үрдістердің қарқындылығы және серпінділігі кәсіпорындардың мүмкіндіктердін барынша пайдаланылуын талап етеді.
Сондықтан, Қазақстан Республикасының Президенті Н.Ә. Назарбаевтың Қазақстан халқына «Қазақстан халқының әл-ауқатын арттыру-мемлекеттік саясаттың басты мақсаты» атты жолдауындағы «Бүгінгі әлемдік конъюнктура нашарлаған жағдайда біз рөлі өсе түсіп отырған мемлекеттік холдингтердің, даму институттарының, әлеуметтік-кәсіпкерлік корпорациялардың даму стратегияларын белсенді етуге тиіспіз»-деп атауының мәні үлкен.
Қазақстанның қазiргi таңдағы экономикасында мынадай проблемалар орын алуда: экономиканың шикiзат бағыттылығы; əлемдiк экономикаға ықпалдасудың əлсiздiгi; ел iшiндегi салааралық жəне өңiраралық экономикалық ықпалдасудың босаңдығы;өңдеушi өнеркəсiп өнiмдiлiгiнiң төмендiгi; iшкi рынокта (шағын экономика) тауарлар мен қызметтерге деген тұтыну сұранысының мардымсыздығы; өндiрiстiк жəне əлеуметтiк инфрақұрылымның жеткiлiктi дəрежеде дамымауы; мұнай-газ жəне кен-металлургиялық кешенге жатпайтын экономика салаларында негiзгi қорлардың тез тозуы; кəсiпорындардың жалпы техникалық жəне технологиялық тұрғыдан артта қалуы; ғылым мен өндiрiс арасында ұтымды байланыстың болмауы; ҒЗТКЖ қаржының аз бөлiнуi; отандық ғылымның нарықтық экономика жағдайларына нашар бейiмделуi, ғылыми-техникалық өнiмдi тауар деңгейiне дейiн жеткiзудiң ықпалды тетiктерiнiң болмауы, соның салдарынан тұтастай алғанда инновациялық ұсыныстар деңгейiнiң төмен болуы; мамандарды жəне жұмысшы кадрларды даярлау мен қайта даярлаудың қазiргi заманғы жүйесiнiң болмауы; экономиканың өңдеушi секторларына инвестициялар салуға отандық қаржы институттары үшiн ынталандыру көздерiнiң болмауы; менеджменттiң экономиканы ғаламдану үрдiстерiне жəне 2 сервистiк-технологиялық экономикаға өтуге бейiмдеу мiндеттерiне сəйкес келмеуi.
Инновациялық стратегияларды жүзеге асыру үшін кәсіпорындарды басқарудың тиімді жүйесін қалыптастыру қажет, ол жүйе келесілерді қамтиды: а) экономикалық серпіліс бағытын институтталдандыру; б) басқарудың ұйымдастыршылық – экономикалық тиімді механизмдерін, шаруашылық қызметтің тәуекелдерімен ғана емес сонымен қоса тұтынушылар қарым –қатынасы арасындағы инновациялық қызметтің мотивациялық механизмдерін құрастыру .
Қазақстан Республикасындағы инновациялық қызметтінің қазіргі жағдайына дұрыс баға беру өте қиын , себебі, бір жағынан Қазақстан ғылыми - техникалық ресурстармен бай емес , кәсіпорындар деңгейіндегі прогрессивті жобаларды енгізу мен жүзеге асыруы толыққанды белсенді атқарылмайды. Осыған байланысты кәсіпорын дамуындағы бәсекеге қабілеттілігін жоғарылату мақсатында инновациялық стратегиялардың теориялық және әдістемелік негіздемелеріне қажеттілік туындайды.
Аталған себептер өндірістік кәсіпорынның бәсекеге қабілеттілігін арттыру мақсатында инновациялық стратегияларын әзірлеу үшін егжей – тегжейлі ғылыми тәсілдерді пысықтауды қажет етеді. Бұл мәселе өнеркәсіптік кәсіпорынның инновациялық стратегиясын әзірлеуге және экономикалық өсуді қамтамасыз етеді, яғни, дипломдық зерттеу тақырыбының өзектілігін анықтайды.
Дипломдық жұмыстың мақсаты - өнеркәсіптік кәсіпорынның инновациялық даму стратегиясын әзірлеу.
Қойылған мақсатқа жету үшін келессідей міндеттер қойылды:
- келесі анықтамаларға : инновация, инновациялық қызмет инновация белгілерінің негізгілерін жіктеу, жобаларды басқару негізінде талдау жасау;
- инновациялық стратегияның орны мен рөлін анықтау;
- кәсіпорынның басқару жүйесіндегі инновациялық стратегияны қалыптастыру мен реттеудің шетелдік тәжірибесін анықтау;
-кәсіпорынның басқару жүйесіндегі жобаларды басқару дамудың негізіне көз жеткізу;
-өнеркәсіптік кәсіпорынның инновациялық даму стратегиясын әзірлеудің бағыттарын анықтау.
Зерттеу объектісі болып Жауапкершілі Шектеулі Серіктестік (ЖШС) «Казцинк» өндірістік кәсіпорны.
Зерттеу пәні ретінде өнеркәсіптік кәсіпорынның инновациялық дамустратегияларын анықтайтын экономикалық және шаруашылық қызметі.
Зерттеудің методологиялық және теориялық негіздемелері ретінде экономикалық теориясы, менеджмент курсы және стратегиялық басқару, инновациялық менеджмент, өндірістік кәсіпорындарындағы инновациялық қызмет және стратегиялық даму, шетел және қазақстандық ғалымдар мен мамандардың инновациялық жобалар мен инновациялық стратегияларды жүзеге асыру мәселелері бойынша мәліметтер.
Жұмыстың тәжірбиелік маңызы өнеркәсіптік кәсіпорынға арналған инновациялық даму стратегиясын тәжірбие жүзінде қолдану арқылы анықталады. Кәсіпорынның алдағы уақытта дамуы мен бәсекеге қабілеттілігін арттыруға бағытталған жобаларды басқару негізінде ұсынылған әдістемелік ұсыныстарды тәжірбиеде іске асыру арқылы инновациялық стратегияны анықтауға мүмкіндік береді.
Дипломдық жұмыстық құрылымы: кіріспеден, үш бөлімнен, қорытынды, пайдаланылған әдебиеттер тізімі және қосымшадан тұрады.
